Rhwydwaith cydraddoldeb gwasanaethau cyhoeddus

Yn dilyn Adroddiad Tasglu Cydraddoldeb Hiliol Caerdydd 2022, sefydlodd 10 o sefydliadau sector cyhoeddus mawr Rwydwaith Cydraddoldeb Gwasanaethau Cyhoeddus Caerdydd. Y sefydliadau yw:

Nodau'r rhwydwaith

Nod y rhwydwaith yw:

Hyrwyddo cydraddoldeb a chynhwysiant o fewn y gweithlu gwasanaeth cyhoeddus.
Eiriol dros bolisïau sy'n gwella amrywiaeth yn y gweithle a dilyniant yn y farchnad lafur leol.

Mabwysiadu Arfer Gorau fel Arfer Gyffredin: Ysgogi cydraddoldeb, amrywiaeth a chynhwysiant ar draws gwasanaethau cyhoeddus Caerdydd. Dyma sut:

Byddwn yn amrywiaethu'r arweinyddiaeth reolaethol ac yn cefnog datblygiad gyrfa grwpiau heb gynrychiolaeth ddigonol drwy:

Datblygu Rhaglen Datblygu Arweinyddiaeth ar draws ein sefydliadau ar gyfer grwpiau heb gynrychiolaeth ddigonol.
Sefydlu cynllun mentora deuffordd i feithrin dysgu ar y cyd, rhannu safbwyntiau amrywiol a hyrwyddo cynhwysiant.
Ymrwymo pob arweinydd rheoli o bob rhan o Bartneriaid Gwasanaethau Cyhoeddus i gefnogi'r rhaglenni arweinyddiaeth trwy fynychu i rannu eu taith arwain.

Byddwn yn hyrwyddo dealltwriaeth ac ymwybyddiaeth drwy'r canlynol:

Mabwysiadu hyfforddiant cydraddoldeb, amrywiaeth a chynhwysiant gorfodol.
Sefydlu trefniadau goruchwylio i fonitro cydymffurfaeth â hyfforddiant cydraddoldeb gorfodol.
Adolygu'r Cynnig Hyfforddiant Cydraddoldeb, Amrywiaeth a Chynhwysiant o bryd i'w gilydd i gynnal ei berthnasedd a'i briodoldeb.

Byddwn yn gweithio i sicrhau bod ein gweithlu'n adlewyrchu'r cymunedau rydym yn eu gwasanaethu, drwy'r dulliau canlynol:

Cyhoeddi adroddiad Amrywiaeth Blynyddol sy'n nodi proffl gweithlu'r sefydliad.
Cynnwys cwestiwn ar Gydraddoldeb, Amrywiaeth a Chynhwysiant mewn cyfweliadau fel rhan o'r broses recriwtio, sy'n berthnasol ac yn gymesur â'r rôl, i brof cymhwysedd yn ffurfol yn y maes hwn.
Ei gwneud yn ofynnol i holl aelodau'r panel cyfweld gwblhau hyfforddiant rhagfarn ddiarwybod, neu hyfforddiant priodol tebyg, cyn cymryd rhan yn y broses recriwtio a chyfweliadau.

Byddwn yn gwrando ac yn deall lleisiau ein cymunedau amrywiol drwy'r canlynol:

Cyfrannu at "Adroddiad Llais y Dinesydd" blynyddol Bwrdd Gwasanaethau Cyhoeddus Caerdydd, sy'n nodi barn a phrofadau rhanddeiliaid a defnyddwyr gwasanaethau fel y'u cofnodir mewn unrhyw waith arolygu ac ymgysylltu a wnaed, ac yn cynnwys asesiad o farn ymatebwyr ethnig amrywiol.
Sicrhau bod Asesiadau o'r Effaith ar Gydraddoldeb yn cael eu cwblhau pan fo angen, i safon uchel, a hyrwyddo arferion cynhwysol.