Sign In
Cyngor Caerdydd www.caerdydd.gov.uk
Loading

Fy Nghymdogaeth

Defnyddiwch eich cod post i ddod o hyd i gynghorwyr, cyfleusterau, dalgylchoedd ysgol lleol a mwy.

Find facilities in my area

Cyngor Caerdydd

www.caerdydd.gov.uk

Canolfannau Ailgylchu

​​​​Dylech ddod â phrawf o archeb a phrawf o gyfeiriad wrth ymweld â chanolfan ailgylchu.​



Unig bwrpas canolfannau ailgylchu yw ailgylchu a gwaredu sbwriel o'r cartref a gall preswylwyr Caerdydd eu defnyddio yn rhad ac am ddim. R​​haid i fusnesau ddefnyddio ein canolfan ailgylchu masnachol​.

Dylech ond ymweld â chanolfan ailgylchu i gael gwared ar eitemau nad ydych yn gallu eu gwaredu wrth ymyl y ffordd.​ Darllenwch y telerau ac amodau llawn cyn gwneud archeb.​

Rhaid bod eitemau swmpus yn gallu ffitio i gist eich car. Ni fydd ein staff yn gallu eich cynorthwyo i ddadlwytho eich car.​​​

Cerbydau y gallwch ddod â nhw i ganolfan ailgylchu​.​


Bydd angen i chi archebu slot bob tro y byddwch yn ymweld. ​
​ ​
  • 3 ymweliad mewn diwrnod
  • 30 ymweliad mewn blwyddyn i geir
  • 10 ymweliad y flwyddyn ar gyfer faniau​



Os ydych yn ymweld mewn car, gallwch ddefnyddio eich lwfans yn hyblyg ond ni allwch ymweld fwy na thair gwaith mewn diwrnod.​

Os ydych yn ymweld mewn fan neu gar â threlar, cewch drefnu dim ond un ymweliad y mis.


Cerbydau y gallwch ddod â nhw i ganolfan ailgylchu​

Mae canolfannau ailgylchu yn Ffordd Lamby​ a Chlos Bessemer​​

​Dydyn ni ddim yn derbyn bagiau cymysg o wastraff cyffredinol yn ein canolfannau ailgylchu. Dylech roi'r math hwn o wastraff allan yn eich bin du neu fagiau streipiau coch i'w casglu o ymyl y ffordd.

Os defnyddiwch chi'r holl wasanaethau ailgylchu ymyl y ffordd sydd ar gael a'n gwasanaeth casglu hylendid ar gyfer cewynnau a gwastraff anymataliaeth, bydd hyn yn lleihau faint o wastraff cyffredinol rydych chi'n ei gynhyrchu.

Ceisiwch ailgylchu cymaint ag y gallwch yn eich cadi bwyd a'ch bagiau ailgylchu. Os na allwch ymdopi â'ch lwfans gwastraff cyffredinol, rydym yn cynnig casgliad ychwanegol â thâl, neu gallwch ddefnyddio contractwr gwastraff preifat. Bydd angen i chi sicrhau ei fod yn gludwr gwastraff cofrestredig​​​​​​​D​olen allanol yn agor mewn ffenest newydd​​​.​


​Gallwch fynd â'r mwyafrif o eitemau i'r ddwy ganolfan. Gwiriwch cyn ymweld. 

  • Batris
  • Beiciau
  • Batris ceir
  • Cardfwrdd
  • Carpedi
  • Deunyddiau ceramig
  • Cyfrifiaduron​
  • Tiwbiau fflworoleuol a bylbiau golau​
  • Oergelloedd neu Rhewgelloedd
  • Cemegau gardd a'r cartref - rhaid labelu'r rhain yn glir
  • Gwastraff gardd
  • Poteli nwy
  • Plastigau Caled
  • Eitemau trydanol mawr, fel peiriannau golchi llestri, peiriannau golchi ac ati
  • Mattresi
  • Cyfryngau (llyfrau a CDs)​
  • Ffonau symudol
  • Paent
  • Bwrdd plastr (rhaid ei dorri i fyny)
  • Rwbel (gan gynnwys pridd) - uchafswm o 6 o fagiau 20KG Rhaid tipio bagiau i'r sgip, ac yna mynd â nhw adref.
  • Metel sgrap
  • Dalennau gwydr
  • Offer trydanol bach, fel tegellau, tostwyr, consolau gema
  • Teledu a Sgrinau
  • ​Tetra Pak
  • Tecstilau a sgidiau
  • Teiars (Ffordd Lamby yn unig)
  • Ffenestri UPVC (Ffordd Lamby yn unig)​
  • Hen olew ceir
  • Olew llysiau/coginio
​ ​




Gwastraff na ellir ei ailgylchu



Os oes gennych eitemau na allwn eu hailgylchu gallwch ddod â nhw i'r safle.

Cyn eu rhoi yn y sgip bydd angen i wasanaethwyr y safle gadarnhau nad oes modd ailgylchu eich eitemau. Rydym yn argymell eich bod yn defnyddio bagiau clir neu gynhwysydd i helpu gyda'r broses hon. Os oes angen i chi ddefnyddio bagiau i gludo'r eitemau, bydd angen i chi eu hagor i ddangos i'n staff. Ni chewch ddefnyddio bagiau gwyrdd y Cyngor.​

Mae enghreifftiau o'r deunydd y gellir ei roi yn ein sgip gwastraff na ellir ei ailgylchu yn cynnwys:

  • ​Gwastraff anifeiliaid anwes gormodol e.e. gwasarn cathod, sarn anifeiliaid
  • Bleindiau
  • Gwely difan
  • Celfi gardd
  • Polystyren
  • Pecynnu ffilm plastig tenau
  • Drychau
  • Soffas a chadeiriau breichiau
  • Papur Wal
  • Eitemau babi e.e. seddau car, cadeiriau uchel, pramiau neu cadeiriau gwthio
  • Tapiau fideo neu casét


Holwch ein staff os nad ydych chi’n siŵr. Os na fyddwn yn cynnig gwasanaeth ailgylchu i waredu eitem, byddwch yn gallu ei roi yn y sgip gwastraff na ellir ei ailgylchu.

Asbestos

Gallwch fynd â hyd at ddau sach asbestos i ganolfan ailgylchu Clos Bessemer. Mae angen i chi drefnu apwyntiad cyn i chi ymweld. Os ydych chi’n cael gwared ar asbestos, ni allwch drefnu apwyntiad ar-lein. Bydd angen i chi ein ffonio ar 029 2087 2088 i drefnu apwyntiad.

Sut i gael gwared ar Asbestos​.​




Trefnwch ymweliad​​


​Loading HWRC
​​​ ​​​
 
 
Dylech gofio bod angen inni gau canolfan ailgylchu ar fyr rybudd o bryd i’w gilydd. Os bydd hyn yn digwydd ar benwythnos mae’n bosibl na fydd modd inni ddiweddaru ein gwefan. Dylech ddilyn ein cyfrif ar Twitter​​​​​​​D​olen allanol yn agor mewn ffenest newydd​​​​​ neu Facebook​​​​​​​D​olen allanol yn agor mewn ffenest newydd​​​​​​​​​ er mwyn gweld diweddariadau.​