Cymorth gyda chostau teulu ifanc, gan gynnwys cymorth gofal plant.
Budd-dal Plant
Gallwch gael taliadau budd-dal plant os ydych yn gyfrifol am yr isod:
- plentyn dan 16 oed
- plentyn o dan 20 oed sy'n dal i fod mewn addysg
Nid oes cyfyngiad ar faint o blant y cewch hawlio amdanynt, ond dim ond un rhiant sy'n cael hawlio.
Dysgwch fwy a gwneud cais ar gyfer Budd-dal Plant.
Lwfans Gwarcheidwad
Gallech gael Lwfans Gwarcheidwad os ydych yn magu plentyn y mae ei rieni wedi marw. Gallech chi hefyd fod yn gymwys os oes 1 rhiant wedi goroesi. Mae hyn ar ben taliadau budd-dal plant.
Cewch wybod a ydych yn gymwys i gael Lwfans Gwarcheidwad.
Dechrau Iach
Gallech gael cymorth i brynu bwyd a llaeth iach i'ch plentyn os:
- ydych yn cael budd-daliadau penodol,
- oes gennych blentyn o dan 4 oed,
- ydych wedi bod yn feichiog am fwy na 10 wythnos.
Darganfyddwch a ydych yn gymwys ar gyfer Dechrau'n Iach.
Lwfans Mamolaeth
Os ydych wedi bod yn feichiog am fwy na 26 wythnos, efallai y gallwch hawlio Lwfans Mamolaeth.
Mae hyn yn wahanol i Dâl Mamolaeth Statudol. Ni allwch hawlio'r ddau fudd-dal gyda'i gilydd.
Darganfyddwch a ydych yn gymwys i gael Lwfans Mamolaeth.
Grant Mamolaeth Cychwyn Cadarn
Os ydych chi neu'ch partner yn cael budd-daliadau penodol, efallai y gallwch gael Grant Mamolaeth Cychwyn Cadarn.
Darganfyddwch a ydych yn gymwys i gael Grant Mamolaeth Cychwyn Cadarn.
Gofal Plant Di-reth
Os ydych yn gweithio, efallai y gallwch gael hyd at £2000 y flwyddyn i helpu i dalu costau gofal plant. Gallwch wneud cais dim ond os yw'ch plentyn yn 11 oed neu iau.
Os yw'ch plentyn yn anabl, efallai y byddwch yn gymwys i gael hyd at £4,000 y flwyddyn hyd nes ei fod yn 16 oed. Ni fyddwch yn gallu hawlio hyn ar yr un pryd â chymorth gofal plant arall.
Darganfyddwch a ydych yn gymwys i gael Gofal Plant Di-dreth.
30 Awr o Fal Plant Am Ddim
Os yw eich plentyn yn 3 i 4 oed, gallech gael hyd at 30 awr yr wythnos o ofal plant am ddim os ydych chi neu eich partner yn gweithio neu'n astudio.
Darganfyddwch a ydych yn gymwys i gael 30 awr o ofal plant am ddim.
Dechrau'n Deg
Os yw eich plentyn o dan 4 oed, efallai y byddwch yn gallu cael gofal plant rhan-amser am ddim.
Dim ond os yw Dechrau'n Deg yn gwasanaethu'ch ardal y byddwch yn gallu cael hyn.
Darganfyddwch a ydych yn gymwys ar gyfer Dechrau'n Deg.
Cyfrifiannell gofal plant
Gallwch ddefnyddio cyfrifiannell gofal plant GOV UK i weld pa help sy'n iawn i chi a'ch teulu.
