Mae gwasanaethau bysiau yn arbennig o agored i effeithiau tagfeydd traffig. Gall unrhyw oedi gynyddu costau gweithredu ac arwain at brisiau uwch.
Gall lonydd bysiau a phyrth bysiau:
gyflymu amseroedd teithio,
cynyddu dibynadwyedd, ac
annog y defnydd o drafnidiaeth gynaliadwy.
Byddwn yn rhoi Hysbysiad Tâl Cosb (HTC) i chi os na fyddwch yn cydymffurfio â chyfyngiadau lonydd bysiau neu byrth bysiau.
Lonydd bysus
Mae Rheol 141 Rheolau'r Ffordd Fawr (141) yn datgan:
'Lonydd Bysus. Dangosir y rhain gan farciau ffordd ac arwyddion sy'n dangos pa gerbydau (os unrhyw rai) y caniateir iddynt ddefnyddio'r lôn fysus. Heblaw os y dangosir fel arall, ni ddylech yrru mewn lôn fysus yn ystod ei chyfnod gweithredu'.
Yng Nghaerdydd, mae pob lôn fysus yn gweithredu 24 awr y dydd, bob dydd.
Y cerbydau gaiff ddefnyddio lonydd bysus yng Nghaerdydd
Bysus
Cerbydau Hacni Trwyddedig
Cerbydau trwyddedig i'w llogi'n breifat
Beiciau â Phedalau
Cerbydau gwasanaethau brys
Gall beiciau modur (heb ystlysgeir) hefyd ddefnyddio'r rhan fwyaf o lonydd bysus yng Nghaerdydd. Gwiriwch yr holl arwyddion cyn defnyddio lôn fysus.
Gatiau bysus
Mae porth bysiau yn ddarn o stryd sydd i bob pwrpas yn creu llwybr byr ar gyfer bysiau. Gall leihau amser teithio i deithwyr trwy gael gwared ar draffig. Ar rai achlysuron, efallai y caniateir i gerbydau eraill hefyd ddefnyddio porth bysiau. Bydd y rhain bob amser yn cael eu dangos ar yr arwyddion rheoleiddio.
Ni ddylech yrru mewn porth bysiau pan fydd honno'n weithredol oni bai bod gennych awdurdod i wneud hynny.
Awgrymiadau gorau er mwyn osgoi Hysbysiad Tâl Cosb (HTC)
- Cofiwch sicrhau eich bod yn gyfarwydd â'r holl arwyddion sy'n ymwneud â lonydd bysiau a phyrth bysiau. Er enghraifft:
Lonydd bysus:
Gatiau bysus:
Mae gan lonydd bysiau hefyd ffin o linell wen solet. Ni ddylech groesi'r llinell oni bai y caniateir i chi wneud hynny.
Byddwch yn amyneddgar. Os yw traffig yn brysur yn y lonydd anghyfyngedig, nid yw hyn yn golygu y gallwch ddefnyddio lonydd bysiau neu byrth bysiau yn anghyfreithlon.
Mae llawer o bobl yn credu bod pellter gras o 20 metr i gerbyd heb awdurdod ddefnyddio lôn fysiau. Nid oes gan y 'rheol 20 metr' hon unrhyw sail gyfreithiol.
