Mae'r strategaeth yn amlinellu ein hamcanion sydd â'r nod o:
- annog ymgysylltu â'r gymuned,
- hyrwyddo llythrennedd, a
- darparu gwasanaethau hanfodol ledled Caerdydd.
Ein gweledigaeth: 'Darparu gwasanaethau a chymorth o ansawdd uchel i ddiwallu anghenion penodol pob cymuned'.
Mae ein gweledigaeth yn cael ei chyflawni trwy 10 nod allweddol:
- Ysbrydoli Darllen a Diwylliant
Ein nod yw meithrin cariad at ddarllen a dysgu trwy ddarparu casgliadau llyfrau amrywiol sy'n adlewyrchu dewisiadau ein cymunedau, gan gynnwys unigolion niwrowahanol.
- Darparu Gwybodaeth a Chyngor Dibynadwy
Rydym wedi ymrwymo i wella mynediad at gyngor a gwybodaeth a chynnal safonau uchel drwy Fframwaith Ansawdd Gwybodaeth a Chyngor Llywodraeth Cymru.
- Darparu Cymorth Costau Byw
Bydd ein pwyslais ar ddarparu cymorth i'r rhai yr effeithir arnynt fwyaf gan y costau byw cynyddol.
- Gwella Cynhwysiant Digidol
Byddwn yn esblygu ein gwasanaethau digidol, gan ymgorffori technolegau newydd i helpu i wrthsefyll tlodi digidol ac arfogi pobl â sgiliau digidol hanfodol.
- Cefnogi Cyflogaeth ac Uwchsgilio
Byddwn yn darparu ystod o gymorth cyflogadwyedd gan gynnwys cymorth anffurfiol, mentora un i un a rhaglenni hyfforddi.
- Grymuso Plant a Phobl Ifanc
Mae ein hymrwymiad yn cynnwys ymgysylltu â phlant a phobl ifanc a'u teuluoedd i lunio ein casgliadau a chynnig gweithgareddau a digwyddiadau o safon iddynt.
- Hyrwyddo Iechyd a Lles
Byddwn yn cefnogi mentrau iechyd, gan gynnwys cynlluniau fel Daioni Darllen a phrofion iechyd cymunedol, wrth gydweithio â phartneriaid iechyd i wella ymwybyddiaeth iechyd y cyhoedd.
- Cynnig Cyfleoedd Gwirfoddoli
Bydd ein rhaglenni gwirfoddoli amrywiol yn gwella sgiliau ac yn cysylltu pobl â'u cymuned.
- Darparu Mannau Cynhwysol
Bydd ein Hybiau a'n Llyfrgelloedd wedi eu cynllunio i ddiwallu anghenion cymunedau Caerdydd.
- Ceisio Allgymorth ac Ymestyn Cyfleoedd Darpariaeth
Sicrhau bod cymunedau sydd eu hangen yn elwa ar wasanaethau'r Hyb a chwilio am gyfleoedd i ehangu'r ddarpariaeth.
Darllenwch Strategaeth Hybiau a Llyfrgelloedd Caerdydd 2024 i 2029 (PDF, 16 MB).
