Gallai lleithder sy'n cronni yn eich cartref arwain at lwydni. Gallwch osgoi hyn drwy wresogi ac awyru eich cartref.
Gallwch leihau'r lleithder yn eich cartref trwy:
- gadw'r caeadau ar sosbenni pan fyddwch yn coginio,
- sychu dillad y tu allan yn hytrach nag ar reiddiadur,
- gosod agorfa i'ch sychwr dillad y tu allan,
- osgoi defnyddio gwresogyddion paraffin neu wresogyddion nwy potel, a
- chael cawodydd a bath oerach.
Gallwch adael aer llaith allan o'ch cartref ac awyr iach i mewn, trwy:
- ddefnyddio ffaniau echdynnu i gael gwared ar aer llaith ac atal anwedd rhag cronni, a
- chadw drws eich cegin neu ystafell ymolchi ar gau a ffenestri ar agor wrth goginio neu ymolchi.
Gallech wella cynhesrwydd eich cartref trwy:
- osod inswleiddio llofft (i'r dyfnder a argymhellir o 270mm),
- rhoi deunydd atal drafftiau ar ddrysau a ffenestri,
- inswleiddio waliau ceudod os yw eich cartref yn addas ar ei gyfer, a
- gosod gwydr dwbl ar ffenestri drafftiog.
Dylech hefyd wresogi ystafelloedd nad ydych yn eu defnyddio, gan fod ystafelloedd oerach yn fwy tebygol o fod â lleithder a llwydni. Mae tymheredd cartref iach rhwng 18 a 23 gradd Celsius.
Gwella ansawdd aer wrth goginio er mwyn gwella lles
Rydym wedi gweithio gyda Phrifysgol Caerdydd a phartneriaid eraill i ymchwilio i sut mae coginio dan do:
- yn effeithio ar ansawdd aer dan do, ac
- yn effeithio ar iechyd a lles pobl o leiafrifoedd ethnig.
Gallwch ddysgu mwy am yr ymchwil ar wefan Prifysgol Caerdydd.
Gallwch hefyd ddod o hyd i awgrymiadau a chyngor ymarferol ar sut y gallwch wella eich ansawdd aer wrth goginio ar wefan ORCA Prifysgol Caerdydd.
