Bydd angen caniatâd cynllunio arnoch os ydych am addasu adeilad, darn o dir neu adeiledd parhaol (fel wal) a bod angen i chi wneud gwaith adeiladu i gyflawni hyn. Bydd angen caniatâd cynllunio arnoch hefyd os bydd y gwaith yn newid y ffodd y caiff yr adeilad neu'r tir ei ddefnyddio.
Fel arfer, bydd angen caniatâd cynllunio arnoch i:
- godi adeilad newydd
- estyn neu addasu adeilad
- gwneud newidiadau i'r ffordd y caiff adeilad ei ddefnyddio, er enghraifft troi tŷ'n fflatiau neu droi adeilad diwydiannol yn gartref
- cyflawni gwaith peirianneg neu waith arall, fel carthffosiaeth
- dymchwel adeilad neu adeiledd
- cyflawni gwaith ar adeilad rhestredig
- cyflawni gwaith mewn ardal gadwraeth
- cyflawni gwaith ar goed a ddiogelir neu goed mewn ardal gadwraeth
- codi adeiladau amaethyddol newydd.
Mae gwefan Porth Cynllunio Cymru yn cynnwya mwy o wybodaeth i'ch helpu i ddod o hyd i ba fath o ganiatâd cynllunio sydd ei angen arnoch, gan gynnwys:
- Ceisiadau electronig ar gyfer caniatâd cynllunio
- dysgu am y system gynllunio
- gwybodaeth am ddatblygiad
- apelio yn erbyn penderfyniad cynllunio
- ymchwilio i'r polisi llywodraeth diweddaraf
- darllen a lawrlwytho'r canllaw cymorth
- ffurflenni a dogfennau eraill
Datblygiadau a ganiateir lle nad oes angen caniatâd cynllunio arnoch
Mae rhai mân welliannau, addasiadau ac estyniadau y gallwch eu gwneud i'ch tŷ nad oes angen caniatâd cynllunio arnoch i'w cwblhau. Gall y rhain gynnwys mathau penodol o bortsh, heuldai gwydr o faint penodol a rhai addasiadau mewnol.
'Datblygiadau a ganiateir' yw'r enw ar y rhain. Gallwch gael rhagor o gyngor ar ddatblygiadau a ganiateir drwy lawrlwytho llyfryn gwybodaeth o wefan Lywodraeth Cymru neu o'r Porth Cynllunio Cymru cenedlaethol.
Ffyrdd eraill o gadarnhau a oes angen caniatâd cynllunio arnoch
Os ydych dal yn ansicr a oes angen caniatâd cynllunio arnoch, gallwch:
- gael cyngor gan ymgynghorwyr cynllunio sy'n arbenigo mewn rhoi cyngor ar gynllunio. Gallwch chwilio ar-lein am ymgynghorwyr lleol.
- darllen canllawiau gan y Porth Cynllunio Cymru cenedlaethol a Llyw.Cymru - Hawliau datblygu a ganiateir i aelwydydd
Os oes angen cyngor arnoch, gweler Ymholiadau cyn gwneud cais
