Ysgol Gymraeg Coed-y-Gof

Ar 18 Rhagfyr 2025, cytunodd Cabinet Cyngor Caerdydd ar gynigion i:

Ymestyn ystod oedran Ysgol Gymraeg Coed-y-Gof o 4-11 oed i 3-11 oed drwy sefydlu uned feithrin cyfrwng Cymraeg fel rhan o'r ysgol.

Bwriedir i'r newid ddod i rym o fis Medi 2026.

Gweld Adroddiad y Cabinet ar wefan Modern Gov.

Gweld y Llythyr Penderfyniad (PDF, 228 KB)

Hysbysiad statudol

Ystyriwyd adroddiad ar yr ymgynghoriad i sefydlu darpariaeth feithrin yn Ysgol Gymraeg Coed-y-Gof gan Gabinet y Cyngor ar 18 Medi 2025.

Roedd yr adroddiad yn hysbysu'r Cabinet o'r ymatebion a gafwyd yn ystod yr ymgynghoriad, y materion a godwyd, ymateb y Cyngor i'r rhain ac argymhellion ar y ffordd ymlaen.

Gellir gweld yr adroddiad ar wefan Modern Gov.

Ar ôl ystyried canlyniad yr ymgynghoriad, awdurdododd y Cabinet swyddogion i gyhoeddi hysbysiad statudol i ymestyn ystod oedran Ysgol Gymraeg Coed-y-Gof o 4 i 11 oed, i 3 i 11 oed drwy sefydlu uned feithrin cyfrwng Cymraeg fel rhan o'r ysgol.

Byddai'r newid arfaethedig yn cael ei roi ar waith o fis Medi 2026.

Mae'r hysbysiad yn fyw o 30 Medi 2025 ac mae'n caniatáu cyfnod o 28 diwrnod ar gyfer gwrthwynebiadau ffurfiol i\'r cynigion hyd at a chan gynnwys 27 Hydref 2025.

Gweld yr hysbysiad statudol (PDF, 161 KB).

Dylid anfon gwrthwynebiadau at y:

Cyfarwyddwr Addysg a Dysgu Gydol Oes
Cyngor Caerdydd
Neuadd y Sir
Glanfa'r Iwerydd
Caerdydd
CF10 4UW

Gellir anfon gwrthwynebiadau hefyd at y Cyfarwyddwr Addysg a Dysgu Gydol Oes, Cyngor Caerdydd drwy e-bostio [email protected]

Sylwer bod yn rhaid i unrhyw wrthwynebiadau o'r fath a anfonir drwy e-bost gynnwys enw llawn a chyfeiriad post y sawl sy'n gwrthwynebu.

Adroddiad ymgynghori

Bydd adroddiad ar yr ymgynghoriad i sefydlu uned feithrin Gymraeg yn Ysgol Gymraeg Coed-y-Gof o fis Medi 2026 yn cael ei ystyried gan Gabinet y Cyngor yn ei gyfarfod ar 18 Medi 2025.

Mae'r adroddiad yn hysbysu'r Cabinet o'r ymatebion a gafwyd yn ystod yr ymgynghoriad, y materion a godwyd, ymateb y Cyngor i'r materion a godwyd, ac argymhellion ar y ffordd ymlaen.

Yn yr adroddiad, argymhellir bod y Cabinet yn awdurdodi swyddogion i gyhoeddi hysbysiad statudol i ymestyn ystod oedran Ysgol Gymraeg Coed-y-Gof o 4 i 11 oed i 3 i 11 oed drwy sefydlu uned feithrin fel rhan o'r ysgol o fis Medi 2026.

Gellir gweld yr adroddiad ar Modern Gov.

Rhoddir yr wybodaeth ddiweddaraf am y cynigion yn dilyn cyfarfod y Cabinet.