Mae gan y Cyngor Gynllun Trafnidiaeth Lleol (CTLl) sydd wedi'i gymeradwyo gan Lywodraeth Cymru. Mae'r CTLl yn nodi'r problemau trafnidiaeth allweddol sy'n berthnasol i Gaerdydd, y gwelliannau sydd eu hangen i fynd i'r afael â'r problemau hyn a rhaglen 5-mlynedd o gynlluniau sy'n amlinellu cynlluniau seilwaith sydd i'w darparu ym mhob blwyddyn ariannol.
Mae'r rhaglen arfaethedig a amlinellir yn y CTLl yn cynnwys seilwaith cerdded a beicio, rhwydwaith bysus a gwelliannau i gyffyrdd, cyfyngiadau 20mya a chynlluniau diogelwch ar y ffyrdd.
