Y gofrestr etholiadol a chanfasio blynyddol

Dywedwch wrthym pwy sy'n byw yn eich cyfeiriad chi

Prawf adnabod ffotograffig mewn gorsafoedd pleidleisio

Mae'r gofrestr etholiadol yn rhestru enwau a chyfeiriadau pawb sydd wedi'u cofrestru i bleidleisio. Mae'r gofrestr yn cael ei diweddaru'n fisol.

Mwy o wybodaeth am y gofrestr etholiadol.

Y gofrestr etholiadol lawn

Mae'r gofrestr etholiadol lawn yn rhestru enwau a chyfeiriadau pawb sydd wedi'u cofrestru i bleidleisio. Ni ellir ei gwerthu i unrhyw un. Byddai eich manylion ond yn cael eu defnyddio at ddibenion etholiadol neu'n cael eu rhoi i eraill er mwyn:

atal a chanfod troseddau
galw arnoch i wasanaethu ar reithgor
gwirio ceisiadau am fenthyciadau neu gredyd

Ni roddir y gofrestr etholiadol lawn i adrannau eraill y Cyngor. Os ydych chi wedi symud, bydd angen i chi gysylltu ag adrannau eraill y cyngor i roi gwybod iddyn nhw.

Pwy all gael mynediad i'r gofrestr lawn

Yn ôl y gyfraith, dim ond rhai pobl a sefydliadau all gael copi o'r gofrestr lawn, a dim ond am resymau penodol y gallant ei defnyddio. Mae'r rhain yn cynnwys:

Pleidiau gwleidyddol cofrestredig, ymgeiswyr ac asiantau etholiadol
Aelodau Etholedig (y Senedd, Senedd y DU a'r Cyngor) Cynghorau cymuned
Asiantaethau heddlu a throseddu
Asiantaethau gwirio credyd
Cyrff swyddogol, fel y Comisiwn Etholiadol, y Comisiwn Ffiniau, a'r gwasanaeth rheithgor.

Caniateir i unrhyw un edrych ar y gofrestr lawn o dan oruchwyliaeth, ond ni chaniateir iddynt wneud copi ohoni. Cyhoeddir y gofrestr etholiadol unwaith y flwyddyn. Pan gaiff ei chyhoeddi caiff y gofrestr flaenorol ei rhewi a chopi rhwymedig ei anfon i'r archif. Caiff rhain eu stori ar ein rhan gan Archifau Morgannwg.

Gweld y Polisi Mynediad Archifau Morgannwg (56kb DOC).

Gallwch ymweld ag Archifau Morgannwg yn:

Clos Parc Morgannwg
Lecwydd
Caerdydd
CF11 8AW

I gael rhagor o wybodaeth am weld y gofrestr etholiadol:

darllenwch Bolisi Preifatrwydd y Gwasanaethau Etholiadol, neu
cysylltwch gan ddefnyddio ein ffurflen gyswllt.

Y gofrestr agored

Mae'r gofrestr agored yn fersiwn o'r gofrestr etholiadol y gall unrhyw berson, cwmni neu sefydliad ei phrynu.

Gallwch optio allan o'r gofrestr agored pan fyddwch chi'n cofrestru i bleidleisio.

Os ydych chi eisoes wedi cofrestru ac yn dymuno tynnu eich manylion oddi ar y gofrestr agored, cysylltwch â ni.

Y canfasiad blynyddol

Ar hyn o bryd rydym yn cysylltu â phob cartref i wirio a yw'r manylion ar y gofrestr etholiadol yn gywir. Dyma'r canfasiad blynyddol.

Rydym yn gwneud hyn er mwyn gallu:

gweld pwy sy'n gymwys i bleidleisio, ac
anfon ffurflenni cofrestru at unrhyw un sy'n gymwys i bleidleisio.

Byddwn yn cysylltu â chi ar e-bost neu drwy'r post.

Dan Ddeddf Cynrychiolaeth y Bobl 1983, mae'n rhaid i ni gadw'r gofrestr etholiadol yn gyflawn ac yn gywir. Byddwn yn cyhoeddi'r gofrestr etholiadol wedi'i diweddaru ar 1 Rhagfyr 2026.

Pan fyddwch chi'n derbyn eich llythyr neu e-bost, dywedwch wrthym pwy sy'n byw yn eich cyfeiriad.

Pryd i ymateb i gyfathrebu canfasio

Hyd yn oed os nad oes unrhyw beth wedi newid, mae'n rhaid i chi ymateb os ydych chi'n derbyn:

ffurflen gohebiaeth ganfasio B (GGB) binc, neu
ffurflen ganfasio (FfG) felen.

Mae'n ofyniad cyfreithiol i ymateb. Os na wnewch chi hynny, gallech gael dirwy hyd at £1,000.

Os ydych chi'n derbyn ffurflen gohebiaeth ganfasio A (GGA), dim ond os oes unrhyw newidiadau i'ch cartref y bydd angen i chi ymateb.

Rhaid i chi ymateb gyda ffurflen wedi'i chwblhau erbyn 19 Tachwedd 2026.

Sut i ymateb

Mae'n drosedd rhoi gwybodaeth ffug i ni am bwy sy'n byw yn eich cyfeiriad. Gallech wynebu dirwy neu garchar o ganlyniad.

Gallwch ymateb:

Ar-lein

Ewch i wefan Ymateb Cartref i ymateb ar-lein.

Bydd angen i chi ddefnyddio'r codau diogelwch ar eich ffurflen i ddiweddaru eich manylion.

Dros y ffôn

Ffoniwch y llinell Cadarnhau Cartref ar 0800 884 0701.

Bydd angen i chi ddefnyddio'r codau diogelwch ar eich ffurflen i ddiweddaru eich manylion.

Ar e-bost

Anfonwch eich ffurflenni wedi'u cwblhau i: [email protected].

Trwy'r post

Anfonwch eich ffurflenni wedi'u cwblhau i:

Gwasanaethau Etholiadol
Neuadd y Sir, Ystafell 263
Glanfa'r Iwerydd
Caerdydd
CF10 4UW

Darparu gwybodaeth fel person cyfrifol sengl

Os yw preswylwyr yn rhannu eiddo ond ddim yn ffurfio un aelwyd, bydd angen i un person cyfrifol sengl gwblhau'r canfasio blynyddol ar gyfer pawb sy'n byw yno.

Gall hyn fod yn unrhyw un sy'n meddu ar neu â mynediad cyfreithlon at wybodaeth am bob person sy'n byw mewn eiddo.

Gallai eiddo lle nad yw preswylwyr yn ffurfio un aelwyd fod yn:

neuaddau prifysgol,
cartrefi gofal preswyl,
hosteli, a
tai amlfeddiannaeth.

Os ydych chi'n berson cyfrifol sengl

Fel y person cyfrifol sengl ar gyfer yr eiddo, mae'n rhaid i chi roi gwybodaeth i ni am y bobl sy'n byw yno.

Mae hyn yn cael ei ganiatau o dan y Rheoliad Cyffredinol ar Ddiogelu Data (GDPR). Mae gennym hefyd hawl statudol i ofyn am wybodaeth gennych chi o dan Reoliad 23 o Reoliadau Cynrychiolaeth y Bobl 2001.

Mae'n ofyniad cyfreithiol i ymateb. Os na wnewch chi hynny, gallech gael dirwy hyd at £1,000.

Fel arfer, byddwn yn cysylltu â chi rhwng mis Gorffennaf a mis Tachwedd i ofyn am y wybodaeth ddiweddaraf am breswylwyr.

Efallai y byddwn hefyd yn cysylltu â chi ar adegau eraill. Er enghraifft, cyn etholiad.

Ar ôl i chi ymateb i ni, gallwn gysylltu â phleidleiswyr cymwys yn yr eiddo i wneud yn siŵr eu bod yn gwybod sut i gofrestru i bleidleisio.

Rhowch wybod i ni pryd bynnag y bydd pobl wedi symud i mewn neu allan o'r eiddo.

Beth fydd yn digwydd nesaf

Ar ôl i chi ymateb i'n gohebiaeth ganfasio, byddwn yn anfon ffurflen cofrestru i bleidleisio at unrhyw breswylwyr newydd neu newydd ddod yn gymwys yn eich cartref.

I gofrestru i bleidleisio, gallwch: