Mae Arweinydd Cyngor Caerdydd, y Cynghorydd Huw Thomas wedi ei gwneud yn glir bod croeso i ddinasyddion yr UE sy’n byw yng Nghaerdydd a’u bod nhw’n perthyn yma.
“Mae Caerdydd yn ddinas â hanes hir a balch o fudo rhyngwladol. Daeth ein rhyng-genedlaetholdeb, a’n gallu i groesawu’r rhai o wledydd o amgylch y byd, â chyfoeth mawr i Gaerdydd ac rydym yn gobeithio y pery hyn yn hir yn y blynyddoedd a ddaw, yn ystod cyfnod a all ddod â newid sylweddol yn y DU.
Mae dinasyddion Ewrop sy’n byw yng Nghaerdydd yn cyfrannu llawer at wneuthuriad ein dinas, a byddwn yn parhau i groesawu’r rhai sy’n dod yma i brifddinas Cymru i fyw, gweithio ac astudio.
Blaenoriaeth allweddol yn y ddinas yn y misoedd nesaf fydd sicrhau bod dinasyddion yr UE, y mae Caerdydd wedi dod yn gartref iddynt yn cael y statws mewnfudwr y mae arnynt ei angen i aros yn y ddinas yn y blynyddoedd nesaf.
Rydym ni, wrth gwrs, yn gweithio ar y sail y bydd y DU yn gadael yr UE fel y mae Llywodraeth y DU yn ei gynllunio".
Er mwyn sicrhau bod dinasyddion r UE a’u teuluoedd oll yn cael y wybodaeth sydd ei hangen arnynt ynghylch Caerdydd wedi Brexit, rydym wedi creu’r hyb gwybodaeth hwn.
Byddwn yn parhau i ddiweddaru’r dudalen hon yn yr wythnosau nesaf wrth i ragor o wybodaeth ynghylch y Cynllun Preswylio’n Sefydlog i Ddinasyddion yr UE ddod ar gael.
Digwyddiadau sydd ar y gweill
Gall Dinasyddion UE/AEE/Swistir a’u teuluoedd gael cyngor a chymorth am ddim i wneud cais ar:
Rhagor o ddigwyddiadau i’w cyhoeddi.
Bydd cwestiynau cyffredin am y Cynllun Preswylio’n Sefydlog i Ddinasyddion yr UE a’r broses ymgeisio yn cael eu hateb yn y sesiwn. Byddwch yn gallu siarad â sefydliadau lleol a dysgu sut i gael gafael ar gyngor a chefnogaeth benodol yng Nghaerdydd.
Mae'r ddogfen hon yn rhoi crynodeb o’r Cynllun Preswylio’n Sefydlog i Ddinasyddion yr UE yn seiliedig ar y canllawiau sydd ar gael ar hyn o bryd gan y Swyddfa Gartref a Llywodraeth y DU. Fe'i bwriedir fel canllaw cyfeirio cyffredinol ac nid yw'n gyfystyr â chyngor cyfreithiol na chanllawiau ar gyfraith a pholisi mewnfudo. Roedd y wybodaeth yn y briff hwn yn gywir adeg ei chyhoeddi, fodd bynnag, sylwer bod y maes polisi hwn yn symud yn gyflym ac yn destun newid cyson, yn enwedig ar hyn o bryd wrth i'r DU negodi ei pherthynas â'r UE yn y dyfodol.
Os oes gennych unrhyw ymholiadau ynghylch diogelu eich statws mewnfudo yn y DU, ymgynghorwch ag ymgynghorydd mewnfudo a reoleiddir gan Swyddfa'r Comisiynydd Gwasanaethau Mewnfudo. Cofiwch holi a yw'r ymgynghorydd yn codi ffi am ei wasanaeth.