Mae plant yn dechrau yn y Dosbarth Derbyn yn y mis Medi wedi eu pen-blwydd yn bedair oed. Bydd rhieni plant sydd mewn meithrinfa ysgol yng Nghaerdydd yn derbyn manylion y broses o wneud cais.
Gallwch wneud cais am le mewn dosbarth derbyn mewn unrhyw ysgol gynradd yng Nghaerdydd.
Gwasanaethir pob ardal o Gaerdydd gan ysgol gynradd gymunedol Gymraeg, ysgol gynradd gymunedol Saesneg, Ysgol Gynradd yr Eglwys yng Nghymru ac Ysgol Gynradd Gatholig.
Nid oes angen i chi siarad Cymraeg na Saesneg adre, neu ddilyn ffydd benodol i wneud cais am le mewn unrhyw un o'r ysgolion hyn.
Gallwch
gweld manylion eich ysgolion agosaf a dalgylchoedd gan ddefnyddio'r tab Ysgolion Agosaf (Y pellterau uniongyrchol ac nid y llwybrau cerdded diogel fydd y pellterau).
Diwrnod cynnig lleoedd ysgol
O Ddydd Mawrth 16 Ebrill, byddwn yn anfon llythyr cynnig atoch am leoedd ysgolion gynradd ar gyfer Medi 2024 drwy e-bost a phost.
Byddwch yn derbyn un ai:
- lle yn eich ysgol ddewis gyntaf,
- lle mewn ysgol ddewis is, neu
- dim cynnig.
Os ydych wedi derbyn cynnig am le yn eich ysgol ddewis gyntaf, rhaid i chi ymateb i'r cynnig erbyn Dydd Mawrth 30 Ebrill 2024.
Os ydych wedi derbyn cynnig am le yn eich ysgol ddewis is, mae hyn yn golygu nad oes digon o leoedd ar gael yn eich dewis cyntaf. Hyd yn oed os nad ydych yn siwr am y dewis is a gaiff ei gynnig, rydym yn eich annog yn gryf i dderbyn y cynnig hwn erbyn y dyddiad cau ac aros ar y rhestr aros ar gyfer eich ysgol dewis uwch. Bydd hawl i apelio yn parhau i fod gennych, hyd yn oed os byddwch yn derbyn cynnig is.
Os nad ydych wedi derbyn unrhyw gynnig, mae hyn yn golygu nad oes gan unrhyw un o'ch dewisiadau ddigon o leoedd ar gael. Mae lleoedd amgen yn parhau i fod ar gael mewn ysgolion yng Nghaerdydd ar gyfer eich plentyn. Byddwn wedi anfon rhestr atoch o ysgolion lle mae lleoedd ar gael.
Gweld copi o
lythyr dim cynnig (116kb PDF).
Ymateb i'r llythyr cynnig
Rhaid i chi ymateb i'r cynnig erbyn Dydd Mawrth 30 Ebrill 2024.
Gallwch ymateb trwy:
Mewngofnodwch i’r system derbyn i ysgolion
Os na fyddwch yn ymateb i'r cynnig erbyn 30 Ebrill 2024, byddwn yn cymryd yn ganiataol nad ydych am gael y lle hwnnw mwyach ac efallai y caiff eich cynnig ei dynnu'n ôl.
Os byddwch yn derbyn y lle, bydd yr ysgol yn cysylltu â chi gyda manylion ynghylch y trefniadau derbyn.
Os ydych chi wedi methu dyddiad y cais
Am rhagor o wybodaeth am dderbyniadau, darllenwch y
llyfryn derbyn i ysgolion (6.9mb PDF).
Addysg Gymraeg
Mae addysg Gymraeg ar gael i bawb, pa bynnag iaith rydych yn ei siarad gartref.
Mae teuluoedd o bob math yn elwa ar addysg Gymraeg: teuluoedd nad ydyn nhw’n siarad Cymraeg a rhai sydd yn ei siarad hi, teuluoedd o bob math o gefndir ethnig a chrefyddol, teuluoedd o Gymru a’r rhai sydd wedi symud yma o rywle arall.
Mae addysg Gymraeg yn galluogi plant i ddod yn gwbl rugl yn y Gymraeg a’r Saesneg. Gall roi cyfleoedd, profiadau a sgiliau ychwanegol i'ch plentyn.
Y Broses ymgeisio
Os ganed eich plentyn rhwng 1 Medi 2019 a 31 Awst 2020
Dydd Llun 13 Tachwedd 2023
| Y broses o wneud cais i ddechrau mewn Dosbarth Derbyn ym mis Medi 2024 yn cychwyn. |
Dydd Llun 8 Ionawr 2024
| Dyddiad cau ar gyfer gwneud cais. Ar ôl y dyddiad hwn, bydd angen i unrhyw gais newydd gael ei wneud ar bapur a bydd yn cael ei ystyried yn gais hwyr.
|
Chwefror i Ebrill 2024
| Caiff ffurflenni eu prosesu a’u hasesu yn erbyn y Meini Prawf Derbyn priodol. Mae hyn hefyd yn cynnwys gwirio a dilysu’r cyfeiriad a’r wybodaeth ategol rydych wedi’u rhoi i ni. |
Dydd Mawrth 16 Ebrill 2024
| Diwrnod y Cynnig. Bydd e-bost yn cael ei anfon atoch ar ôl 10am. Os gwnaed cais amdano, bydd llythyr yn cael ei anfon atoch yn y post. Nodwch mai dim ond ar ôl 10am ar y diwrnod cynnig y gellir rhoi penderfyniadau dros y ffôn.
|
Dydd Mawrth 30 Ebrill 2024
| Dyddiad olaf i chi dderbyn neu wrthod y lle a gynigiwyd gennym. Rydym yn cadw’r hawl i dynnu cynigion yn ôl os nad ydym wedi cael ymateb erbyn y dyddiad hwn. Dyma’r dyddiad cau ar gyfer ceisiadau hwyr hefyd. |
Mehefin 2024
| Ceisiadau (hwyr) yr ail rownd yn cael eu prosesu a’u hasesu.
|
Gorffennaf 2024
| Canlyniadau’r ail rownd yn cael eu hanfon allan yn y post. Bydd pob rownd arall yn cael ei phrosesu’n fisol o nawr ymlaen. |
Medi 2024
| Plant yn dechrau yn yr ysgol yn llawn amser.
|
Derbyniadau Cydlynol
Yr ysgolion ffydd sy'n rhan o'r cynllun derbyniadau cydlynol yw:
- Ysgol Gynradd Yr Eglwys yng Nghymru Yr Holl Seintiau,
- Ysgol Gynradd Yr Eglwys yng Nghymru Esgob Childs,
- Ysgol Gynradd Gatholig Crist y Brenin,
- Ysgol Gynradd Gatholig y Teulu Sanctaidd,
- Ysgol Gynradd Gatholig Sant Alban,
- Ysgol Gynradd Gatholig y Santes Bernadette,
- Ysgol Gynradd Gatholig Cadog Sant,
- Ysgol Gynradd Gatholig Sant Cuthbert,
- Ysgol Gynradd yr Eglwys yng Nghymru Dewi Sant,
- Ysgol Gynradd Yr Eglwys yng Nghymru Sain Ffagan,
- Ysgol Gynradd Gatholig Sant Ffransis,
- Ysgol Gynradd Gatholig Sant Joseff,
- Ysgol Gynradd yr Eglwys yng Nghymru’r Forwyn Fair,
- Ysgol Gynradd Gatholig y Santes Fair,
- Ysgol Gynradd yr Eglwys yng Nghymru y Santes Monica,
- Ysgol Gynradd yr Eglwys yng Nghymru’r Sant Paul,
- Ysgol Gynradd Gatholig Sant Pedr,
- Ysgol Gynradd Gatholig Sant Philip Evans,
- Ysgol Gynradd yr Eglwys yng Nghymru Tredegarville.
Cysylltu â ni
Os oes gennych chi gwestiwn neu os hoffech chi ragor o wybodaeth, cysylltwch â ni ar-lein:
Neu ffoniwch C2C ar 029 2087 2088.