Bydd gan bob awdurdod Lleol sawl rôl allweddol sy'n gyfrifol am gydlynu swyddogaethau awdurdodau lleol.
Swyddog Arweiniol Anghenion Dysgu Ychwanegol y Blynyddoedd Cynnar
Bydd gan bob Awdurdod Lleol swyddog dynodedig a elwir yn 'Swyddog Arweiniol Anghenion Dysgu Ychwanegol y Blynyddoedd Cynnar' ('SAADY y Blynyddoedd Cynnar') a fydd yn gyfrifol am gydlynu swyddogaethau'r Awdurdod Lleol o ran plant o dan oedran ysgol gorfodol nad ydynt yn mynychu ysgolion a gynhelir. Mae SAADY y Blynyddoedd Cynnar yn rôl strategol a bydd yn gyfrifol am gydlynu swyddogaethau'r awdurdod lleol sy'n cynnwys:
- Penderfynu a oes gan blant ADY
- paratoi a chynnal CDUau (gan gynnwys sicrhau'r Ddarpariaeth Ddysgu Ychwanegol (DDdY) a bennir yn y CDU)
- adolygu a diwygio CDUau
- adolygu trefniadau DDdY
- gwneud trefniadau i roi cyngor a gwybodaeth a chymryd camau rhesymol i wneud y trefniadau hynny'n hysbys i rieni (ymhlith rhanddeiliaid eraill?).
- gwneud trefniadau ar gyfer osgoi a datrys anghytundebau a hyrwyddo'r defnydd ohonynt
- gwneud trefniadau ar gyfer darparu gwasanaethau eiriolaeth annibynnol
Rôl y Cydlynydd Anghenion Dysgu Ychwanegol (Cydlynydd ADY)
Mae gan bob ysgol (ac eithrio ysgolion arbennig) aelod o staff a nodwyd i weithredu fel Cydlynydd Anghenion Dysgu Ychwanegol (neu Gydlynydd ADY yn fyr).
Mae'r Cydlynydd ADY mewn ysgol yn gyfrifol am:
- nodi anghenion dysgu ychwanegol (ADY) disgybl a chydlynu'r gwaith o wneud y Ddarpariaeth Ddysgu Ychwanegol (DDdY)
- sicrhau gwasanaethau perthnasol i gefnogi Darpariaeth Ddysgu Ychwanegol y disgybl
- cadw cofnodion o benderfyniadau am ADY a Chynlluniau Datblygu Unigol (CDUau)
- cysylltu â disgybl a rhieni/gofalwyr y disgybl a darparu gwybodaeth iddynt
- hyrwyddo cynhwysiant yn yr ysgol a mynediad i gwricwlwm, cyfleusterau a gweithgareddau allgyrsiol yr ysgol
- cynghori, goruchwylio a hyfforddi staff ysgolion am ddulliau addysgu gwahaniaethol sy'n briodol ar gyfer disgyblion unigol ag ADY, a chyfrannu at hyfforddiant mewn swydd
- monitro effeithiolrwydd unrhyw Ddarpariaeth Ddysgu Ychwanegol a wneir
- paratoi ac adolygu'r wybodaeth y mae'n ofynnol i gorff llywodraethu'r ysgol ei chyhoeddi
Mae Cydlynydd ADY mewn coleg yn gyfrifol am:
- nodi ADY myfyriwr a chydlynu'r gwaith o wneud Darpariaeth Ddysgu Ychwanegol (DDdY) sy'n bodloni ADY myfyriwr
- sicrhau gwasanaethau perthnasol a fydd yn cefnogi Darpariaeth Ddysgu Ychwanegol myfyriwr
- cadw cofnodion o benderfyniadau am ADY a chynlluniau addysgol (e.e. Cynlluniau Datblygu Unigol neu gyfwerth (CDUau)
- cysylltu â'r myfyriwr a rhoi gwybodaeth iddo am ADY, CDU y myfyriwr hwnnw a'r Ddarpariaeth Ddysgu Ychwanegol a gaiff.
- hyrwyddo cynnwys myfyriwr ag ADY yn y Sefydliad Addysg Bellach a mynediad i gwricwlwm, cyfleusterau a gweithgareddau allgyrsiol y Sefydliad Addysg Bellach
- paratoi ac adolygu'r wybodaeth y mae'n ofynnol i'r corff llywodraethu ei chyhoeddi
- cynghori, goruchwylio a hyfforddi staff am ddulliau addysgu gwahaniaethol sy'n briodol ar gyfer myfyrwyr unigol ag ADY
- monitro effeithiolrwydd unrhyw Ddarpariaeth Ddysgu Ychwanegol a wneir
Swyddog Arweiniol Clinigol Dynodedig Addysg (SACDA)
Rhaid i bob Bwrdd Iechyd Lleol ddynodi swyddog i fod yn gyfrifol am gydlynu swyddogaethau'r bwrdd iechyd o ran plant a phobl ifanc sydd ag Anghenion Dysgu Ychwanegol (ADY). Y rôl hon yw Swyddog Arweiniol Clinigol Dynodedig Addysg – SACDA.
Y SACDA ar gyfer Bwrdd Iechyd Caerdydd a'r Fro yw Natalie Vanderlinden.
Bydd y SACDA yn gyfrifol am y canlynol:
- gweithredu'n strategol i hyrwyddo ymwybyddiaeth o ADY ar lefel weithredol o fewn y Bwrdd Iechyd Lleol a hyrwyddo ffyrdd newydd o weithio;
- rhannu arfer gorau gyda'r SACDAau eraill er mwyn helpu i sicrhau ymagweddau safonol ledled Cymru;
- hyrwyddo dull strategol cyson o fewn y Bwrdd Iechyd Lleol i lywio / cefnogi'r gwaith o nodi ac asesu ADY, paratoi ac adolygu CDUau, cynllunio a darparu DDdY a monitro effaith hynny ar blant a phobl ifanc;
- rheoli a monitro cydymffurfiaeth â dyletswyddau Byrddau Iechyd Lleol o dan y Ddeddf, a mesur llwyddiant ymyriadau'r Bwrdd Iechyd Lleol.
Ymwelwch â Gwefan Gwasanaethau Addysg CaerdyddDolen yn agor mewn ffenestr newydd i gael rhagor o wybodaeth am rolau allweddol.