Rydym yn gweithio i greu gwell lleoedd i bobl fyw, gweithio a chwarae ynddynt yng Nghaerdydd. Gwnawn hyn drwy gyflawni projectau a chefnogi gwaith sy’n helpu i wella cymdogaethau ledled y ddinas.
Rydym yn ariannu projectau drwy’r rhaglen Cynlluniau Adnewyddu Cymdogaethau, a rhaid i bob project fod o fudd i bobl leol drwy wneud Caerdydd yn lle gwell i fyw a gweithio ynddo.
Gwahoddir Cynghorwyr Lleol i gynnig syniadau ar gyfer yr hyn yr hoffent ei wella yn eu cymuned. Yna bydd y Cyngor llawn yn ystyried y syniadau hyn.
Cynnig awgrym
Os oes unrhyw syniadau gennych,
cysylltwch â’ch Cynghorydd lleolDolen allanol yn agor mewn ffenest newydd ynghylch y pethau yr hoffech iddynt gael eu gwella yn eich cymdogaeth.
Projectau a gwblhawyd yn ddiweddar
Mae 57 o brojectau wedi’u cwblhau yng Nghaerdydd ers 2000/2001, gan gynnwys y canlynol:
Gorllewin Adamsdown
Yn sgîl y gwaith i Adnewyddu’r Ardal, mae dros 250 o dai wedi’u gwella drwy waith atgyweirio allanol a gwaith ar waliau ffiniol. Mae’r gwelliannau eraill yn cynnwys y canlynol:
- Palmentydd, dodrefn stryd a phlannu coed stryd newydd
- Gwella cyffyrdd a threfn ffyrdd
- Creu parciau newydd ym Mharc y Fynwent a Chaeau Anderson drwy ymgynghori â thrigolion lleol a grwpiau ieuenctid
- Gwelliannau i ardal chwarae Gerddi Howard
- Gwella’r man agored ar System Street, gan gynnwys llwybrau newydd i gerddwyr / beicwyr, trefniadau arafu traffig a goleuadau
Gogledd Grangetown
Mae dros 400 o dai wedi’u gwella drwy waith atgyweirio allanol a gwaith ar waliau ffiniol. Mae’r gwelliannau eraill i’r ardal yn cynnwys y canlynol:
- Gweithio gyda thrigolion lleol i greu Gerddi Courtmead, sef gardd gymunedol sy’n cynnwys gwaith celf a ddyluniwyd gan breswylwyr a phlant lleol
- Palmentydd newydd, gan gynnwys palmentydd ‘ymwthiol’ i wella diogelwch cerddwyr
- Plannu coed stryd a gosod arwynebau ffordd newydd (gan gynnwys cyffyrdd dyrchafedig i atal pobl rhag gyrru’n rhy gyflym)
- Gwelliannau i Somerset Street drwy’r rhaglen DIY Stryd mewn partneriaeth â Sustrans Datblygwyd y cynllun gyda thrigolion lleol i greu amgylchedd diogelach, mwy deniadol.
Cysylltu â ni
I gael rhagor o wybodaeth am unrhyw un o’r projectau a restrir yma, cysylltwch â ni.
Cysylltu â ni
029 2087 3260