Metel sgrap ac adfer darnau cerbydau modur

Os ydych am fod yn ddeliwr metel sgrap neu’n weithredwr adfer darnau cerbydau modur rhaid i chi gael trwydded i fasnachu.

Cofiwch, erbyn hyn mae’n drosedd talu am fetel sgrap ag arian parod.

Mae dau fath o drwydded:

Trwydded safle

Mae trwydded safle yn eich galluogi i fasnachu fel deliwr metel sgrap ar unrhyw safle, neu ar amryw safleoedd, yng Nghaerdydd. Os ydych hefyd am fasnachu rhwng safleoedd mewn awdurdod lleol arall bydd angen i chi wneud cais am drwydded gan yr awdurdod hwn hefyd.

Trwydded casglwr

Mae trwydded casglwr yn caniatáu i chi fasnachu fel casglwr symudol a gwerthu neu waredu metel yn ardal Caerdydd.  Mae hyn yn cynnwys gwerthu a gwaredu darnau o gerbydau modur y gellir eu hadfer.

Mae angen trwyddedau casglu ar wahân i bob ardal cyngor lle’r ydych yn casglu metel/darnau.

Sut i wneud cais

Cyn gwneud cais dylech ddarllen y nodiadau canllaw ar fetel sgrap (237kb PDF)​​​​​​​​​​​​Dolen yn agor mewn ffenestr newydd

Gwneud Cais Ar-lein

• Gwneud cais i gofrestru fel gwerthwr metel sgrap​​​​​​​​Dolen yn agor mewn ffenestr newydd
• Gwneud cais i newid cofrestriad gwerthwr metel sgrap

Gwneud cais drwy’r post

• Ffurflen gais trwydded safle metel sgrap (48kb PDF)​​​​​​​​Dolen yn agor mewn ffenestr newydd
• Ffurflen gais trwydded casglu metel sgrap (48kb PDF)​​​​​​​​​​Dolen yn agor mewn ffenestr newydd
  

Trwyddedu
Cyngor Caerdydd
Neuadd y Ddinas
Caerdydd
CF10 3ND

Oriau Agor

Dydd Llun - Dydd Iau:        8.30am – 5pm

Dydd Gwener:        8.30am – 4pm

Ynghyd â’r ffurflen gais, bydd angen i chi gynnwys y canlynol:

• Ffotograff pasbort o bob person a enwir ar y cais
• Y ffi gywir
• ‘Datgeliad Sylfaenol’ gan Disclosure Scotland​​​​​​​​​​Dolen yn agor mewn ffenestr newydd (o fewn y 3 mis diwethaf)

Faint fydd cost trwydded?

Ffioedd a chostau Trwyddedau Cyffredinol (244kb PDF)​​​​​​​​Dolen yn agor mewn ffenestr newydd

Gallwch dalu fel a ganlyn:

• Cerdyn debyd (dros y ffôn yn unig – 029 20871651)
• Sieciau (yn daladwy i ‘Cyngor Caerdydd’)
• BACS:
  Cod Didoli 30-91-63
  Rhif y Cyfrif. 01467509
  Cyfeiriad: Banc Lloyds CCC, 1 Heol-y-Frenhines, Caerdydd, CF10 2AF
  
  Rhowch wybod i ni am y cyfeirnod a’r dyddiad talu os ydych yn talu drwy BACS fel y gallwn ddod o hyd i’r taliad.
  

Beth sy'n digwydd nesaf?

Mae pob trwydded deliwr metel sgrap yn destun cyfnod ymgynghori o 28 diwrnod. Byddwn yn ymgynghori â'r heddlu a Chyfoeth Naturiol Cymru​​​​​Dolen yn agor mewn ffenestr newydd

Os na chawn unrhyw sylwadau ac nad oes gennych unrhyw gollfarnau perthnasol, cewch eich trwydded.

Os cawn eich cynghori i wrthod eich cais, byddwn yn cysylltu â chi ac yn cael cyfle i wneud sylwadau ar eich cais. Yna bydd yr aelod perthnasol o’r Cabinet yn penderfynu ar y cais.

Rhaid dangos y drwydded ar y safle, neu ar gerbyd casglwr symudol, lle gall y cyhoedd ei darllen. Rhaid i werthwyr ddangos prawf adnabod perthnasol (prawf adnabod â ffotograff arno) wrth werthu – rhaid i ddeliwr gadw cofnod o hyn.

Rhagor o wybodaeth

Mae trwyddedau’n ddilys am 3 blynedd, ac yna mae’n rhaid eu hadnewyddu.

Er mwyn dal ati i fasnachu gallai fod angen i chi gael trwyddedau amgylcheddol eraill, fel trwydded cludo gwastraff. Ewch i Cyfoeth Naturiol Cymru​​​​​​​Dolen yn agor mewn ffenestr newydd ​ i gael rhagor o wybodaeth.

Os hoffech ragor o help neu gyngor cysylltwch â ni

029 2087 1651