Mae dyletswyddau landlordiaid yn cynnwys cynnal a chadw wyneb allanol ac elfennau strwythurol yr eiddo yn ogystal â sicrhau bod y canlynol yn ddiogel ac yn effeithlon:
Cyflenwadau dŵr, nwy a thrydan;
- systemau hylendid personol, glanweithdra a draenio;
- oergelloedd a rhewgelloedd (os y’u darperir);
- systemau awyru;
- system wresogi’r eiddo;
- y system gwresogi dŵr.
Gallwch weld
gwybodaeth fanylach am gyfrifoldebau landlordiaidDolen yn agor mewn ffenestr newydd ar wefan y llywodraeth ganolog.
Tystysgrifau Perfformiad Ynni
Mae’r Dystysgrif Perfformiad Ynni yn rhoi gwybodaeth i ddarpar denantiaid am effeithlonrwydd yr eiddo o ran ynni.
Ceir rhagor o wybodaeth am
Dystysgrifau Perfformiad YnniDolen yn agor mewn ffenestr newydd ar wefan y llywodraeth ganolog.
System Mesur Iechyd a Diogelwch Tai
Y System Mesur Iechyd a Diogelwch Tai (HHSRS) yw dull y llywodraeth o werthuso peryglon posibl cyflwr tai o ran iechyd.
Asesir 29 o gategorïau o beryglon tai dan y system hon. Mae gan bob perygl bwysoliad a fydd yn helpu i bennu p’un a oes gan yr eiddo beryglon categori 1 (peryglon difrifol) neu gategori 2 (peryglon eraill).
Mae dyletswydd gyffredinol ar awdurdodau lleol i sicrhau bod tai yn cael eu cynnal a’u cadw mewn cyflwr da ac nad yw preswylwyr yn wynebu risg oherwydd peryglon iechyd a diogelwch yn eu heiddo.
Ar ôl asesu eiddo byddwn yn cymryd camau priodol i sicrhau bod landlordiaid yn mynd i’r afael ag unrhyw bryderon a nodwyd.
Gallwch lawrlwytho’r
Canllawiau HHSRS i landloridiaid a gweithwyr proffesiynol ym maes taiDolen yn agor mewn ffenestr newydd o wefan y llywodraeth ganolog.